លក្ខខ័ណ្ណ និង បទបញ្ញត្តិ

នៅក្នុងបញ្ញត្តិ និងលក្ខខណ្ឌ​នេះ បទបញ្ញត្តិខាងក្រោមត្រូវមានអត្ថន័យដូចបានបញ្ជាក់ខាងក្រោម លើកលែងតែតម្រូវដោយបរិបទផ្សេងពីនេះ៖

• “អ្នកលក់” ​មានន័យថា អ្នកប្រើប្រាស់ដែលដាក់ការផ្សាយពាណិជ្ជកម្មផ្តល់ជូននូវផលិតផល សេវាកម្ម ឬទំនិញសម្រាប់លក់ក្នុងគេហទំព័រនេះ
• “អ្នកទិញ” ​​មានន័យថា អ្នកប្រើប្រាស់ដែលស្វែងរកផលិតផល សេវាកម្ម ឬទំនិញដែលផ្តល់ឲ្យដោយអ្នកលក់ក្នុងគេហទំព័រនេះ
• “Khonnect.com” មានន័យថា ជាពាណិជ្ជនាមរបស់ក្រុមហ៊ុន ក្រមា & Associates។
• “គេហទំព័រ” ​​មានន័យថា គេហទំព័រទាំងឡាយណា ឬកម្មវិធីទូរស័ព្ទដែលជាកម្មសិទ្ធិ ឬបើកដំណើរការដោយក្រុមហ៊ុន Krawma Company Limited និងសាខា/បុត្រសម្ព័ន្ធរបស់ខ្លួន។

ពាក្យ “អ្នក” “អ្នកប្រើប្រាស់” និង “(រាល់) អ្នកប្រើប្រាស់”​ សំដៅទៅលើ បុគ្គល និង/ឬ អង្គភាពដែលចូល និង/ឬប្រើប្រាស់គេហទំព័រនេះនៅគ្រប់ពេលក្នុងហេតុផល ឬគោលបំណងណាមួយ។

២.១ ការប្រើប្រាស់ជាក់លាក់-អ្នកទិញ

២.២ អ្នកទិញយល់ព្រមថាពួកគេនឹងប្រើប្រាស់គេហទំព័រនេះ ក្នុងគោលបំណងស្របច្បាប់ និងស្វែងរកផលិតផល សេវាកម្ម និងទំនិញ។

២.៣ អ្នកទិញយល់ព្រម​ និងទទួលស្គាល់ថាពួកគេនឹង​បង្ហាញទិន្នន័យផ្ទាល់ខ្លួន​ ហើយនឹងព៌ត័មានផ្សេងទៀតទាំងអស់ទៅអ្នកលក់ និង/ឬ ឆន្ទៈផ្ទាល់ខ្លួនរបស់ Khonnect.com នៅពេលដែលពួកគេសាកសួរអំពីផលិតផល សេវាកម្ម ឬទំនិញដែលមានដាក់បង្ហាញក្នុង ឬតាម រយៈគេហទំព័រ និង/ឬ នៅពេលដែលអ្នកទិញប្រើប្រាស់គេហទំព័រនេះក្នុង គោលបំណងដាក់ស្នើ បញ្ចូល ឬដាក់បង្ហាញព័ត៌មាន និងទិន្នន័យរបស់ពួកគេក្នុងគេហទំព័រនេះ ក្នុងការឆ្លើយតបនឹងការផ្សព្វផ្សាយដែលត្រូវបានដាក់បង្ហាញដោយអ្នកលក់។ តាមរយៈការដាក់ ការបញ្ចូល ឬ​ដាក់បង្ហាញព័ត៌មាន និងទិន្នន័យរបស់ពួកគេនៅក្នុងគេហទំព័រនេះ អ្នកទិញផ្តល់សិទ្ធិទៅឲ្យ Khonnect.com ធ្វើការរក្សាទុកនូវព៌ត័មាន ឬ​ទិន្នន័យរបស់ពួកគេនៅក្នុងប្រព័ន្ធគ្រប់គ្រងទិន្នន័យរបស់ Khonnect.com “ប្រព័ន្ធគ្រប់គ្រងទិន្នន័យ” ។ អ្នកទិញអាចផ្ញើព៌ត័មាន ឬ​ទិន្នន័យរបស់ពួកគេដោយផ្ទាល់ទៅអ្នកលក់ណាម្នាក់ដែលធ្វើការផ្សព្វផ្សាយក្នុង ឬតាមរយៈគេហទំព័រនេះ។ ជាជម្រើស អ្នកទិញអាចធ្វើការផ្ញើព័ត៌មាន ឬទិន្នន័យរបស់ពួកគេទៅ Khonnect.com តាមរយៈគេហទំព័រនេះ ឆ្លើយតបទៅនឹងការផ្សព្វផ្សាយនេះ។ នៅក្នុងករណីបែបនេះ ព័ត៌មាន ឬ​ទិន្នន័យរបស់អ្នកទិញនឹងស្ថិតនៅមានសកម្មភាពក្នុងគេហទំព័រនេះ និងត្រូវបានរក្សាទុកនៅក្នុងប្រព័ន្ធគ្រប់គ្រងទិន្នន័យដែលជាហានិភ័យផ្ទាល់ខ្លួនរបស់ពួកគេ លើកលែងតែ និង​រហូតដល់ពួកគេជ្រើសរើសលុបចោលព័ត៌មាន​ ឬទិន្នន័យរបស់ពួកគេ។ អ្នកទិញទទួលស្គាល់ ​និងយល់ព្រមថាព័ត៌មាន ឬទិន្នន័យរបស់ពួកគេអាចត្រូវបានចូលទៅមើលដោយអ្នកលក់ ដែលជាអ្នកប្រើប្រាស់សេវាកម្មរបស់ Khonnect.com ដើម្បីឆ្លើយតបទៅនឹងការសាកសួរអំពីផលិតផល សេវាកម្ម ឬទំនិញ។ Khonnect.com ក៏រក្សាសិទ្ធិបដិសេធ ឬកែសម្រួលផ្នែកខ្លះៗ នៃព័ត៌មាន ឬ​ទិន្នន័យរបស់អ្នកទិញឲ្យមានភាពត្រឹមត្រូវ និងលុបទិន្នន័យផ្ទាល់ខ្លួន ដែល Khonnect.com យល់ឃើញថាមិនត្រឹមត្រូវ មិនពិត ខុសច្បាប់ល្មើសច្បាប់ ឬដែលរំលោភទៅលើកម្មសិទ្ធិបញ្ញា ឬឈ្លានពានលើការសំងាត់របស់បុគ្គលផ្សេងទៀត។

២.៤ Khonnect.com នឹងមិនផ្តល់ទិន្នន័យផ្ទាល់ខ្លួនរបស់អ្នកទិញទៅឲ្យអ្នកលក់ណាម្នាក់ ដោយគ្មានការអនុញ្ញាតពីអ្នកទិញទេ លើកលែងតែជាកាតព្វកិច្ចក្នុងច្បាប់និង បទបញ្ញត្តិដែលត្រូវអនុវត្ត។ អ្នកទិញទទួលស្គាល់​ និងយល់ព្រមថា ប្រសិនបើពួកគេអនុញ្ញាត Khonnect.com នឹងបង្ហាញព័ត៌មាន ឬទិន្នន័យរបស់ពួកគេទៅអ្នកលក់ ក្នុងគោលបំណងជួយអ្នកលក់ឆ្លើយតបទៅនឹងការសាកសួររបស់អ្នកទិញ ទាក់ទងនឹងផលិតផល សេវាកម្ម ឬទំនិញ។ អ្នកទិញយល់ព្រមថា Khonnect.com និងសាខាក្រុមហ៊ុនរបស់ខ្លួនអាចប្រើទិន្នន័យផ្ទាល់ខ្លួនរបស់ពួកគេ (ដោយគ្មានការឈ្មោះ អាសយដ្ឋាន និង ព៌ត័មានអត្តសញ្ញាណផ្ទាល់ខ្លួនរបស់ពួកគេ) ចំពោះគោលបំណងផ្នែកទីផ្សារដែលអាចបង្ហាញផ្ទាល់ទៅដល់អ្នកលក់ដែលមានសក្តានុពល ភ្នាក់ងាររបស់ពួកគេ ឬអ្នកស្ថិតនៅក្រោមការគ្រប់គ្រងរបស់ពួកគេ។

២.៥ ទោះបីជា Khonnect.com ត្រូវព្យាយាមប្រហេតុផលដើម្បីដាក់កម្រិតលើការចូលទៅក្នុងកម្មវិធីគ្រប់គ្រងទិន្នន័យ ចំពោះអ្នកលក់ និង បុគ្គលិករបស់ Khonnect.com តែប៉ុណ្ណោះ​ តែមិនធានាថាភាគីដទៃមិនអាចចូលទៅកាន់ប្រព័ន្ធគ្រប់គ្រងទិន្នន័យនោះទេ ដោយគ្មានការយល់ព្រមរបស់ Khonnect.com។ អ្នកទិញ បានទទួលស្គាល់ថា អ្នកលក់ និងភាគីដទៃទៀតដែលចូលទៅប្រព័ន្ធគ្រប់គ្រងទិន្នន័យ អាចត្រូវបានរក្សាទុកច្បាប់ចម្លងនៃព័ត៌មាន ឬទិន្នន័យរបស់អ្នកទិញ។ Khonnect.com មិនទទួលខុសត្រូវលើការរក្សាទុក​ ប្រើប្រាស់ ឬ​ ភាពជាឯកជនរបស់ព័ត៌មាន ឬទិន្នន័យដែលកើតមានឡើងទាំងនេះ ឬសម្រាប់ប្រើប្រាស់ ឬ​ ភាពជាឯកជននៃព័ត៌មាន ឬទិន្នន័យដោយភាគីទាំងនេះទេ ក្នុងអំឡុងពេលដែលព័ត៌មាន ឬទិន្នន័យនៅក្នុងប្រព័ន្ធគ្រប់គ្រងទិន្នន័យ​។ អ្នកទិញបានយល់ព្រមថា ទិន្នន័យ ព៌ត័មាន ឬខ្លឹមសាររបស់ខ្លួនដែលបានឲ្យទៅអ្នកលក់ ឬអ្នកប្រើប្រាស់ផ្សេងទៀត ឬបានដាក់ស្នើទៅក្នុង ឬតាមរយៈ គេហទំព័រនេះ ត្រូវបានផ្តល់ឲ្យដោយជាហានិភ័យផ្ទាល់ខ្លួនទាំងស្រុង។

២.៧ អ្នកលក់យល់ព្រមថា ខ្លួនប្រើប្រាស់គេហទំព័រនេះក្នុងគោលបំណងស្របច្បាប់ និងបង្កើនការលក់ និង​សកម្មភាពផ្នែកទីផ្សារតែប៉ុណ្ណោះ។

២.៩ អ្នកលក់ត្រូវទទួលខុសត្រូវតែឯង ចំពោះមាតិកា និងខ្លឹមសារដែលមាននៅក្នុងការផ្សាយពាណិជ្ជកម្ម​ និង/ឬទំព័របណ្តាញ ដែលបានដាក់បង្ហាញនៅក្នុងគេហទំព័រ។ Khonnect.com រក្សាសិទ្ធិដើម្បីផ្លាស់ប្តូរ ឬកែប្រែ ​ឬ​ការតម្រូវឲ្យដកចេញ ឬការធ្វើវិសោធនកម្មទៅលើការផ្សាយពាណិជ្ជកម្មតាមការមើលឃើញថាសមរម្យ​ ឬបញ្ចប់ ឬផ្អាកការចូល និងប្រើប្រាស់ គេហទំព័រនេះរបស់អ្នកលក់ និង/ឬ​សេវាកម្មដែលបានផ្តល់ឲ្យក្នុង ឬតាមរយៈគេហទំព័រតាមឆន្ទានុសិទ្ធិរបស់ Khonnect.com ដោយគ្មានសំណង ​ឬគ្មានសងត្រឡប់វិញទៅអ្នកលក់ទេ។

២.១១ ការប្រើប្រាស់ដែលត្រូវបានហាមឃាត់- អ្នកប្រើប្រាស់

រាល់មាតិការបស់គេហទំព័រនេះ រួមទាំងដោយគ្មានការកម្រិតពីព័ត៌មាន សារ រូបភាព គំនូរព្រាង ការរចនា HTML និងខ្លឹមសារដែលមានកម្មសិទ្ធិដទៃទៀតនៅក្នុងគេហទំព័រនេះ (រួមគ្នាហៅថា “មាតិកា”) គឺជាកម្មសិទ្ធិបញ្ញារបស់ Khonnect.com ឬអ្នកផ្តល់អាជ្ញាប័ណ្ណរបស់ខ្លួនដទៃទៀត ហើយត្រូវបានការពារដោយសិទ្ធិចម្លង ពាណិជ្ជសញ្ញា ប្រកាសនីយប័ត្រតក្កកម្ម និងច្បាប់កម្មសិទ្ធិបញ្ញាផ្សេងទៀត។ លើកលែងតែមានការចែងផ្សេងពីនេះនៅក្នុងវាក្យខណ្ឌនេះ អ្នកប្រើប្រាស់មិនត្រូវផ្គត់ផ្គង់ ជួយ ឬសម្រួលដល់តតិយជនដើម្បីចម្លង ផលិតឡើងវិញ បញ្ជូន បោះពុម្ព ផ្សាយ ចែកចាយ ចែកចាយឡើងវិញ ផ្សព្វផ្សាយ សាយភាយ រក្សាទុក (នៅក្នុងកម្រិតមធ្យមណាមួយ) បង្ហាញ កែប្រែ លក់ ឬផ្ទេរ ឬចូលរួមនៅក្នុងការលក់ ឬផ្ទេរ ឬឲ្យលក់ បង្កើតការងារដែលចម្លងពី ឬក្នុងវិធីទាញយកមាតិកាណាមួយ ទោះបីជាទាំងមូល ឬដោយផ្នែក។ អ្នកប្រើប្រាស់អាចទាញយក ឬចម្លងមាតិកានេះតែម្នាក់ឯងសម្រាប់ការប្រើប្រាស់ដែលមិនមែនជាលក្ខណៈពាណិជ្ជកម្ម តែក្នុងលក្ខណៈផ្ទាល់ខ្លួន និង/ឬអ្នកប្រើប្រាស់ដែលត្រូវបានអនុញ្ញាតនៅក្នុងបញ្ញត្តិ​ និងលក្ខខណ្ឌនេះ។

Khonnect.com រក្សាសិទ្ធិរបស់ខ្លួនក្នុងការអនុវត្តសិទ្ធិកម្មសិទ្ធិបញ្ញាទាំងអស់របស់ខ្លួន ឬសិទ្ធិកម្មសិទ្ធិនៅក្នុងមាតិកា រួមទាំងដោយគ្មានការកម្រិតប្រឆាំងនឹងការប្រើប្រាស់មាតិកាណាមួយ ដែលមិនត្រូវបានអនុញ្ញាតក្នុងបញ្ញត្តិ និងលក្ខខណ្ឌនេះ។

Khonnect.com រក្សាសិទ្ធិក្នុងការគ្រប់គ្រងគេហទំព័រនេះ និងមាតិការបស់ខ្លួនគ្រប់ពេលវេលា ប៉ុន្តែមិនមែនជាកាតព្វកិច្ចដែលត្រូវឲ្យធ្វើដូច្នេះទេ។Khonnect.com មិនទទួលខុសត្រូវរាល់ខ្លឹមណាមួយក្នុងគេហទំព័រនេះដែលមិនបានបង្ហាញដោយ Khonnect.com ឬបើមិនដូច្នេះទេដែលត្រូវបានបង្ហាញដោយ Khonnect.com ក្នុងនាមជាអ្នកប្រើប្រាស់។ រាល់អ្នកប្រើប្រាស់ទាំងឡាយបានទទួលស្គាល់ និងយល់ព្រមថាពួកគេទទួលខុសត្រូវសម្រាប់ទម្រង់ មាតិកា និងភាពត្រឹមត្រូវនៃព័ត៌មាន ទិន្នន័យ ការផ្សព្វផ្សាយ ទំព័ររបស់គេហទំព័រ និង/ឬខ្លឹមសារដែលបានដាក់ស្នើដោយពួកគេទៅ Khonnect.com ឬបើមិនដូច្នេះត្រូវបានដាក់បង្ហាញដោយពួកគេក្នុង ឬតាម រយៈគេហទំព័រនេះ។ ដោយគោរពតាមការប្រើប្រាស់គេហទំព័រនេះ Khonnect.com មិនត្រូវបានគេចាត់ទុកថាជាភ្នាក់ងាររបស់ អ្នកលក់ ឬអ្នកទិញឡើយ។ Khonnect.com មិនធានាថាគេហទំព័រនេះដំណើរការដោយគ្មានកំហុស ឬថាគេហទំព័រ និងប្រព័ន្ធផ្ទុកទិន្នន័យមិនមាន មេរោគ ឬផលប៉ះពាល់ដទៃទៀតឡើយ មិនធានាថាកំហុសនានាត្រូវបានកែតម្រូវ មិនធានាថាដំណើរការនៃគេហទំព័រនេះនឹងមិនមានការរំខាន ឬដល់ពេលកំណត់ ឬថាការផ្ទុកទិន្នន័យនឹងមានសុវត្ថិភាព។ ដោយមានការអនុញ្ញាតពេញលេញដោយច្បាប់ Khonnect.com បដិសេធរាល់ការធានាអំពីភាពត្រឹមត្រូវ ការជឿទុកចិត្ត ភាពពេញលេញ ភាពទាន់ពេលវេលា ឬគុណភាពផ្សេងទៀតរបស់គេហទំព័រនេះ និងមាតិកា សេវាកម្ម ផ្នែកទន់(Software) អត្ថបទ រូបភាព​ និងតំណភ្ជាប់ដែលមាននេះ។

រាល់អ្នកប្រើប្រាស់គេហទំព័រនេះ និងគេហទំព័រផ្សេងទៀតដែលចូលតាមរយៈគេហទំព័រនេះ គឺជាហានិភ័យផ្ទាល់ខ្លួន។ Khonnect.com មិនតំណាង ឬធានាការពិត ភាពត្រឹមត្រូវ ឬភាពជឿទុកចិត្តនៃការទាក់ទងដែលបានបង្ហាញដោយអ្នកប្រើប្រាស់ ឬគាំទ្រមតិណាមួយដែលបានបង្ហាញដោយអ្នកប្រើប្រាស់ទេ។ រាល់ការពឹងផ្អែកលើខ្លឹមសារណាមួយដោយអ្នកប្រើប្រាស់ណាម្នាក់ ដែលត្រូវបានបង្ហាញដោយអ្នកប្រើប្រាស់ផ្សេងទៀត ត្រូវចាត់ទុកថាជាហានិភ័យផ្ទាល់ខ្លួន។ Khonnect.com រក្សាសិទ្ធិក្នុងការបណ្តេញចេញអ្នកប្រើប្រាស់ណាម្នាក់ និងការពារការចូលទៅគេហទំព័ររបស់ពួកគេគ្រប់ពេលវេលាសម្រាប់ការរំលោភលើបញ្ញត្តិ និងលក្ខខណ្ឌ ឬរំលោភច្បាប់ និងបទបញ្ញត្តិនានា និងរក្សាសិទ្ធិដកចេញនូវខ្លឹមសារដែលប្រមាថ ខុសច្បាប់ ឆាឆៅ បង្អាក់ ឬមិនសមស្រប តាមសេចក្តីសម្រេចជាឆន្ទានុសិទ្ធិរបស់ Khonnect.com ដោយគ្មានការជូនដំណឹង និង/ឬការយល់ព្រមឡើយ។

គេហទំព័រនេះអាចមានតំណភ្ជាប់ទៅគេហទំព័ររបស់តតិយជន។ Khonnect.com មិនគ្រប់គ្រង ឬមិនមានសិទ្ធិចំពោះគេហទំព័ររបស់តតិយជន និងមិនទទួលខុសត្រូវសម្រាប់វត្តមាន ឬសុវត្ថិភាពរបស់គេហទំព័ររបស់ពួកគេទេ។ ប្រសិនបើអ្នកប្រើប្រាស់ចូលទៅតំណភ្ជាប់គេហទំព័ររបស់តតិយជន ពួកគេត្រូវទទួលខុសត្រូវទាំងស្រុងនូវហានិភ័យផ្ទាល់ខ្លួន។ Khonnect.com មិនទទួលខុសត្រូវចំពោះមាតិការបស់គេហទំព័រតតិយជនដែលភ្ជាប់ទៅគេហ​ទំព័រនេះ ឬតំណភ្ជាប់ដែលមាននៅក្នុងគេហទំព័ររបស់តតិយជន ឬការផ្លាស់ប្តូរ ឬការធ្វើបច្ចុប្បន្នភាព និងមិនធ្វើការតំណាង ឬធានាណាមួយទាក់ទងនឹងមាតិកា ឬភាពត្រឹមត្រូវនៃខ្លឹមសារក្នុងគេហទំព័ររបស់តតិយជនឡើយ។ Khonnect.com មិនទទួលខុសត្រូវក្នុងការបាត់បង់ ឬខូចខាតដែលកើតឡើងពី ឬមានទំនាក់ទំនងនឹងការប្រើប្រាស់សេវាកម្ម ឬមាតិការបស់គេហទំព័រ តតិយជនគ្រប់ប្រភេទ។

រាល់អ្នកប្រើប្រាស់យល់ព្រមសង និងមិនបង្កគ្រោះថ្នាក់ដល់ Khonnect.com និងក្រុមហ៊ុនសាខារបស់ខ្លួន មន្ត្រី នាយក បុគ្គលិក ភ្នាក់ងារ ម្ចាស់កម្មសិទ្ធិ ដៃគូ អ្នកតំណាង ម្ចាស់ហ៊ុន អ្នកបម្រើ មេធាវី អ្នកកាន់តំណែងមុន អ្នកស្នងតំណែង និងប្រគល់សិទ្ធិឲ្យ និងប្រឆាំងនឹងការអះអាង បណ្តឹង ការទាមទារ របួស ការខាតបង់ ការខូចខាត តម្លៃ និងចំណាយដែលកើតឡើងពី ឬមានទាក់ទងនឹងការប្រើប្រាស់គេហទំព័រ ឬមាតិការបស់ពួកគេ ឬការរំលោភបំពានលើបញ្ញត្តិ និងលក្ខខណ្ឌ ទៅតាមវិសាលភាពដែលច្បាប់អនុញ្ញាត។

ចំពោះវិសាលភាពដែលច្បាប់ជាធរមានអនុញ្ញាត Khonnect.com និងក្រុមហ៊ុនសាខារបស់ខ្លួន មន្ត្រី នាយក បុគ្គលិក ឬភ្នាក់ងាររបស់ខ្លួន មិនត្រូវទទួលខុសត្រូវចំពោះព្រឹត្តិការណ៍ណាមួយសម្រាប់ការខូចខាតគ្រប់ប្រភេទដែលបង្កឡើងដោយអ្នកប្រើប្រាស់ណាម្នាក់ ទោះបីដោយចំពោះ ឬមិនចំពោះ កើតឡើងពី ឬទាក់ទងនឹងការប្រើប្រាស់របស់ពួកគេ ឬមិនអាចប្រើប្រាស់គេហទំព័រនេះ និងមាតិការបស់ខ្លួន។

ទំនាក់ទំនង ឬអាជីវកម្មរបស់អ្នកប្រើប្រាស់ដែលទាក់ទងជាមួយអ្នកលក់នៅក្នុង ឬតាមរយៈ គេហទំព័រនេះ រួមបញ្ចូលទាំងការទូទាត់ និងដឹកជញ្ជូនទំនិញ​ ឬសេវាកម្ម និងបញ្ញត្តិ លក្ខខណ្ឌ ការធានា ឬការតំណាងផ្សេងៗ ដែលមានទំនាក់ទំនងនឹងការដោះស្រាយបែបនេះ គឺត្រូវធ្វើឡើងរវាងតែអ្នកប្រើប្រាស់ និងអ្នកលក់តែប៉ុណ្ណោះ។ Khonnect.com មិនទទួលខុសត្រូវចំពោះការបាត់បង់ ឬការខូចខាតគ្រប់ប្រភេទ ឬកើតឡើងដោយសារការដោះស្រាយបែបណាមួយ ឬជាលទ្ធផលដោយសារវត្តមានរបស់អ្នកលក់ក្នុងគេហទំព័រនេះ ឬជាលទ្ធផលនៃភាពត្រឹមត្រូវ ឬការពិតនៃព័ត៌មានណាមួយ ឬទិន្នន័យដែលដាក់បង្ហាញដោយអ្នកលក់។

Khonnect.com រក្សាសិទ្ធិគ្រប់ពេលវេលាក្នុងការបញ្ចប់ភ្លាមៗ ឬការព្យួរគណនីរបស់អ្នកប្រើប្រាស់ ឬការចូលទៅគេហទំព័រដោយគ្មានការជូនដំណឹង នៅពេលដែល Khonnect.com យល់ឃើញថា អ្នកប្រើប្រាស់បានរំលោភបំពានលើបញ្ញត្តិ និងលក្ខខណ្ឌណាមួយ ឬបំពានច្បាប់ ឬបទបញ្ញត្តិណាមួយ និងចាត់វិធានការណ៍សមស្របតាមឆន្ទានុសិទ្ធិរបស់ Khonnect.com រួមបញ្ចូលទាំងការយកចេញនូវខ្លឹមសារដែលចាត់ទុកថាប្រមាថ ខុសច្បាប់ ឆាឆៅបង្អាក់ ឬមិនសមស្រប។ Khonnect.com មានឆន្ទានុសិទ្ធិក្នុងការសម្រេចចិត្តថាតើអ្នកប្រើប្រាស់ អ្នកទិញ ឬអ្នកលក់បានរំលោភបំពានបញ្ញត្តិ និងលក្ខខណ្ឌណាមួយឬទេ ហើយការសម្រេចចិត្តនេះជាការសម្រេចចិត្តចុងក្រោយ។

Khonnect.com រក្សាសិទ្ធិគ្រប់ពេលវេលា និងពីពេលមួយទៅពេលមួយក្នុងការកែប្រែ ការផ្លាស់ប្តូរ ពន្យារពេល មិនបន្ត ឬកម្រិត៖ (ក) ការចូលរបស់អ្នកប្រើប្រាស់ មិនថាបណ្តោះអាសន្ន​ឬអចិន្ត្រៃយ៍ ទៅកាន់គេហទំព័រនេះ (ឬផ្នែកណាមួយ) ឬ (ខ) ចំណែកទាំងមូល ឬចំណែកណាមួយនៃគេហទំព័រនេះ (និងសេវាកម្មដែលផ្តល់ឲ្យ) ដោយមាន ឬគ្មានការជូនដំណឹង។

១២.១ បញ្ញត្តិ និងលក្ខខណ្ឌ និងវិវាទណាមួយ ឬបញ្ហាដែលកើតឡើងពី ឬការប្រើប្រាស់គេហទំព័រនេះដោយចៃដន្យ ត្រូវគ្រប់គ្រងដោយ និងបកស្រាយដោយអនុលោមតាមច្បាប់ប្រទេសកម្ពុជា។

១២.២ វិវាទ​ ភាពចម្រូងចម្រាស់ ឬបណ្តឹងដែលកើតឡើងពី ឬទាក់ទងនឹងបញ្ញត្តិ និងលក្ខខណ្ឌ រួមទាំងសុពលភាព មោឃភាព ការរំលោភបំពាន ឬការបញ្ចប់ ត្រូវដោះស្រាយដោយមជ្ឈមណ្ឌលមជ្ឈត្តការអន្តរជាតិសិង្ហបុរី (“SIAC”) ដោយអនុលោមតាមបញ្ញតិ្តមជ្ឈត្តការរបស់ SIAC Rules នៅពេលបច្ចុប្បន្នជាធរមាន និងអាចធ្វើវិសោធនកម្មដោយប្រការដែលនៅសល់ពីនេះ៖

[សម្រេចចិត្ត] រក្សាមជ្ឈត្តការ SIAC (សិង្ហបុរី) របស់ BongThom.com — សូមពិចារណាមជ្ឈត្តការកម្ពុជា (ឧ. NCAC)។

• ត្រូវមានមជ្ឈត្តករតែម្នាក់ ដែលត្រូវបានតែងតាំងដោយប្រធានរបស់ SIAC។

១៣.១ Khonnect.com អាចផ្លាស់ប្តូរបញ្ញត្តិទាំងនេះគ្រប់ពេលវេលា។ ប្រសិនបើ​ Khonnect.com ផ្លាស់ ប្តូរបញ្ញតិ្តទាំងនេះ Khonnect.com នឹងធ្វើការជូនដំណឹងដោយផ្សាយបទបញ្ញត្តិដែលផ្លាស់ប្តូរនេះក្នុងគេហទំព័រនេះ។

១៣.២ អ្នកយល់ព្រមថាការធ្វើបែបនេះ Khonnect.com បានផ្តល់ការជូនដំណឹងគ្រប់គ្រាន់ក្នុងការផ្លាស់ប្តូរបញ្ញត្តិរបស់ខ្លួន។

ក្នុងពេលដែលប្រើប្រាស់គេហទំព័រ អ្នកប្រើប្រាស់គេហទំព័រនេះ (“អ្នកប្រើប្រាស់”) អាចត្រូវបានស្នើឲ្យបង្ហាញ ឬត្រូវបានសាកសួរដើម្បីផ្តល់ព័ត៌មាន និង/ឬ ទិន្នន័យផ្ទាល់ខ្លួន។ Khonnect.com នឹងធានាថាបុគ្គលិករបស់ខ្លួនគោរពតាមស្តង់ដានៃសុវត្ថិភាព ​និងការណ៍សម្ងាត់ឲ្យបានម៉ឺងម៉ាត់ ដោយគោរពទៅតាមព័ត៌មាន និងទិន្នន័យផ្ទាល់ខ្លួនដែលអ្នកប្រើប្រាស់បានដាក់ស្នើមកក្នុងគេហទំព័រ ហើយ Khonnect.com នឹងមិនបញ្ចេញព័ត៌មានណាមួយទៅនរណាម្នាក់ដោយគ្មានការយល់ព្រមជាមុនពីអ្នកប្រើប្រាស់ដែលពាក់ព័ន្ធក្នុងគេហទំព័រនេះទេ អនុលោមតាមបទបញ្ញត្តិនេះ។

អ្នកប្រើប្រាស់ត្រូវបានលើកទឹកចិត្តឲ្យអានសេចក្តីថ្លែងការណ៍ជាឯកជននេះដោយប្រុងប្រយ័ត្ន​ ដើម្បីយល់ច្បាស់ពីគោលការណ៍ និងការអនុវត្តរបស់ Khonnect.com ទាក់ទងនឹងប្រព្រឹត្តកម្មនៃព័ត៌មាន និងទិន្នន័យផ្ទាល់ខ្លួន ដែលផ្តល់ឲ្យដោយអ្នកប្រើប្រាស់ក្នុងគេហទំព័រនេះ។ បទបញ្ញត្តិនេះអាចនឹងធ្វើបច្ចុប្បន្នភាព កែប្រែ ផ្លាស់ប្តូរ និង/ឬធ្វើវិសោធនកម្មពីពេលមួយទៅពេលមួយទៀត តាមការយល់ឃើញថាចាំបាច់ និង/ឬ សមស្របពី Khonnect.com។

ការប្រើប្រាស់គេហទំព័រនេះ អ្នកប្រើប្រាស់ត្រូវ៖

• យល់ព្រមឲ្យ Khonnect.com ប្រមូល ប្រើប្រាស់ និងបង្ហាញទិន្នន័យផ្ទាល់ខ្លួនរបស់អ្នកប្រើប្រាស់ក្នុងគោលបំណងដូចដែលបានពិពណ៌នាខាងក្រោម
• យល់ព្រមឲ្យ Khonnect.com បង្ហាញទិន្នន័យផ្ទាល់ខ្លួនរបស់អ្នកប្រើប្រាស់ទៅតតិយជនដែលជាអ្នកផ្តល់សេវាកម្ម ឬភា្នក់ងាររបស់ Khonnect.com (ទោះបីជាក្នុង ឬក្រៅប្រទេសកម្ពុជា) ក្នុងគោលបំណងដូចដែលបានពិពណ៌នាខាងក្រោម។

នៅពេលដែលប្រើប្រាស់គេហទំព័រនេះ អ្នកប្រើប្រាស់អាចត្រូវបានស្នើឲ្យបង្ហាញ ឬត្រូវបានសាកសួរដើម្បីផ្តល់ព័ត៌មាន និង/ឬ ទិន្នន័យផ្ទាល់ខ្លួន។ ដើម្បីទទួលបានផលប្រយោជន៍ និងប្រើប្រាស់សេវាកម្មជាច្រើនដែលផ្តល់ឲ្យដោយគេហទំព័រនេះ វាជាការចាំបាច់សម្រាប់អ្នកប្រើប្រាស់ក្នុងការផ្តល់ព័ត៌មាន និង/ឬ ទិន្នន័យផ្ទាល់ខ្លួនរបស់ពួកគេទៅឲ្យ Khonnect.com ទោះបីជាអ្នកប្រើប្រាស់មិនមានកាតព្វកិច្ចផ្តល់ព័ត៌មាន និង/ឬទិន្នន័យ តាមការស្នើសុំក្នុងគេហទំព័រនេះ, Khonnect.com នឹងមិនអាច ផ្តល់នូវសេវាកម្មជាក់លាក់ណាមួយក្នុងគេហទំព័រនេះបានទេ ក្នុងករណីដែលអ្នកប្រើប្រាស់ខកខានក្នុងការអនុវត្តការផ្តល់ព័ត៌មានផ្ទាល់ខ្លួន។

គោលបំណងរបស់ Khonnect.com ក្នុងការប្រមូល និងប្រើប្រាស់ព័ត៌មាន និងទិន្នន័យក្នុងគេហទំព័រនេះ រួមបញ្ចូលទាំងតែមិនកម្រិតដល់ ចំនុចដូចខាងក្រោម៖

• សម្រាប់ដំណើរការសេវាកម្មប្រចាំថ្ងៃដែលផ្តល់ឲ្យទៅអ្នកប្រើប្រាស់
• ដើម្បីជួយអ្នកទិញក្នុងការស្វែងរកផលិតផល សេវាកម្ម ឬទំនិញដែលផ្តល់ឲ្យដោយអ្នកលក់ក្នុងគេហទំព័រនេះ និងជួយអ្នកលក់ក្នុងការភ្ជាប់ជាមួយអ្នកទិញដែលចាប់អារម្មណ៍លើផលិតផល សេវាកម្ម និងទំនិញយ៉ាងទូលំទូលាយ និង
• សម្រាប់គោលបំណងដទៃទៀតជាជាងការបញ្ជាក់ខាងលើ ដែលពាក់ព័ន្ធនឹងបញ្ញត្តិរបស់ Khonnect.com និង/ឬ សាខារបស់ខ្លួន ផលិតផល និង/ឬ សេវាកម្មរបស់ពួកគេ តាមការយល់ឃើញថាសមស្របរបស់ Khonnect.com។

Khonnect.com អាចនឹងប្រមូលព័ត៌មាន និង/ឬ ទិន្នន័យផ្ទាល់ខ្លួនអំពីអ្នកប្រើប្រាស់ ដូចជា ឈ្មោះរបស់ពួកគាត់ អាសយដ្ឋាន អាសយដ្ឋានអ៊ីម៉ែល លេខទូរស័ព្ទ អាយុ ភេទ និងថ្ងៃខែឆ្នាំកំណើត ដែលមិនមានដាក់ផ្សាយជាសាធារណៈ។

[បានផ្លាស់ប្តូរ] បានដក «កម្រិតការអប់រំ និងបទពិសោធន៍ការងារ» ចេញ (Khonnect.com មិនប្រមូលទិន្នន័យការងារ/ប្រវត្តិរូបទេ)។

មានតែបុគ្គលិកដែលបានប្រគល់សិទ្ធិរបស់ Khonnect.com ទេ ដែលត្រូវបានអនុញ្ញាតឲ្យចូលទៅកាន់ព័ត៌មាន និងទិន្នន័យផ្ទាល់ខ្លួនរបស់អ្នកប្រើប្រាស់ ហើយ Khonnect.com មិនត្រូវបញ្ចេញព័ត៌មានផ្ទាល់ខ្លួន និងទិន្នន័យនេះ ទៅតតិយជនដើម្បីរក្សាទុក លើកលែងតែក្នុងកាលៈទេសៈដែលបានកត់ទុកនៅក្នុងចំណុចបន្តទៀត “ការបង្ហាញ ឬការផ្ទេរទិន្នន័យ”។

Khonnect.com យល់ព្រមក្នុងការអនុវត្តជំហានផ្សេងៗ ដើម្បីរក្សាទុកព័ត៌មាន និងទិន្នន័យផ្ទាល់ខ្លួន របស់អ្នកប្រើប្រាស់ជាការសម្ងាត់ និង/ឬអាថ៌កំបាំង ដូចខាងក្រោម។ ជាទូទៅ Khonnect.com នឹងបង្ហាញ និង/ឬផ្ទេរព័ត៌មានផ្ទាល់ខ្លួនរបស់អ្នកប្រើប្រាស់ និង/ឬទិន្នន័យរបស់អ្នកប្រើប្រាស់ទៅបុគ្គលិករបស់ Khonnect.com ក្នុងគោលបំណងផ្តល់សេវាកម្មទៅអ្នកប្រើប្រាស់ និងអ្នកលក់ដែលបានធ្វើសំណើសុំជាក់លាក់សម្រាប់ព័ត៌មាន និង/ឬ ទិន្នន័យរបស់អ្នកប្រើប្រាស់ដោយមានការយល់ព្រមជាមុនពីអ្នកប្រើប្រាស់។ ទោះបីជាយ៉ាងណា Khonnect.com នឹងអាចបង្ហាញ និង/ឬ ផ្ទេរព័ត៌មានទាំងនេះ និង/ឬទិន្នន័យ ទៅតតិយជនក្នុងកាលៈទេសៈដូចខាងក្រោម៖

• នៅពេលដែលព័ត៌មាន និង/ឬទិន្នន័យត្រូវបានបង្ហាញ និង/ឬត្រូវបានផ្ទេរទៅអ្នកផ្គត់ផ្គង់ទីបី ឬអ្នកផ្តល់សេវាកម្មក្រៅដែលត្រូវបានផ្តល់សិទ្ធិឲ្យប្រើប្រាស់ព័ត៌មាន និង/ឬទិន្នន័យនេះ និងអ្នកដែលនឹងសម្របសម្រួលសេវាកម្មក្នុងគេហទំព័រនេះ ក្រោមកាតព្វកិច្ចជាការសម្ងាត់
• នៅពេលដែលព័ត៌មាន និង/ឬទិន្នន័យ ត្រូវបានបង្ហាញ និង/ឬត្រូវបានផ្ទេរទៅភ្នាក់ងារដទៃទៀត សាខា ឬសមាគមរបស់ Khonnect.com ដែលត្រូវបានផ្តល់សិទ្ធិដោយ Khonnect.com ក្នុងការប្រើប្រាស់ព័ត៌មាន​ និង/ឬទិន្នន័យ
• នៅពេលដែល Khonnect.com ត្រូវការការពារ និងទប់ស្កាត់សិទ្ធិ និងទ្រព្យសម្បត្តិរបស់ខ្លួន
• នៅពេលដែល Khonnect.com គិតថាចាំបាច់ក្នុងការធ្វើដូច្នេះ ដើម្បីគោរពតាមច្បាប់ជាធរមាន និងបទបញ្ញត្តិផ្សេងៗ
• នៅពេលដែល Khonnect.com គិតថាចាំបាច់ដើម្បីរក្សា និងធ្វើឲ្យសេវាកម្មប្រសើរឡើងក្នុងគេហទំព័រនេះ។

ក្នុងការប្រើប្រាស់គេហទំព័រនេះ អ្នកប្រើប្រាស់ត្រូវបានសន្មតថាបានយល់ស្រប យល់ព្រម និងផ្តល់សិទ្ធិឲ្យ Khonnect.com ក្នុងការបង្ហាញ និង/ឬផ្ទេរព័ត៌មានផ្ទាល់ខ្លួន និងទិន្នន័យរបស់ពួកគេក្រោម កាលៈទេសៈដែលបានចែងខាងលើ។

[បានផ្លាស់ប្តូរ] ប្រវត្តិរូបបែប CV របស់ BongThom.com ត្រូវបានប្តូរជាប្រវត្តិរូបគណនីទិញ-លក់របស់ Khonnect.com (គ្មាន CV/ការងារ)។

Khonnect.com ផ្តល់ឲ្យអ្នកប្រើប្រាស់ទាំងអស់នូវជម្រើសក្នុងការបង្កើតប្រវត្តិរូបគណនីផ្ទាល់ខ្លួន ឬអាជីវកម្ម (“ប្រវត្តិរូបគណនី”)។ ប្រវត្តិរូបគណនីនេះអាចប្រើប្រាស់ដើម្បីដាក់ការផ្សាយពាណិជ្ជកម្មក្នុងនាមជាអ្នកលក់ ឬដើម្បីរក្សាទុក និងសាកសួរអំពីផលិតផល សេវាកម្ម ឬទំនិញ ក្នុងនាមជាអ្នកទិញ។ ប្រវត្តិរូបគណនីអាចបញ្ចូលព័ត៌មានផ្ទាល់ខ្លួន ដូចជាឈ្មោះ និងព័ត៌មានទំនាក់ទំនងរបស់អ្នក។

នៅពេលដែលអ្នកបានឆ្លើយតបទៅនឹងការផ្សាយពាណិជ្ជកម្មដែលដាក់ដោយអ្នកលក់ ឬអ្នកបានសាកសួរអំពីផលិតផល សេវាកម្ម ឬទំនិញ ដោយផ្ទាល់នៅក្នុងគេហទំព័រ ដោយប្រើប្រាស់ប្រវត្តិរូបគណនីរបស់អ្នក នោះអ្នកលក់នោះនឹងអាចចូលមើលទិន្នន័យដែលអ្នកជ្រើសរើសចែករំលែក រួមទាំងព័ត៌មានទំនាក់ទំនងរបស់អ្នក។

នៅពេលដែលអ្នកបង្កើតប្រវត្តិរូបគណនីនៅក្នុងគេហទំព័រ អ្នកយល់ព្រមថាទិន្នន័យដែលអ្នកចែករំលែកអាចត្រូវបានពិនិត្យមើល និង/ឬចូលមើលដោយអ្នកទិញ និងអ្នកលក់ដែលអ្នកមានទំនាក់ទំនងជាមួយ ដែលអាចនាំឲ្យមានការផ្ទេរទិន្នន័យផ្ទាល់ខ្លួនរបស់អ្នកទៅសមាជិកផ្សេងទៀតនៃក្រុមរៀងៗខ្លួន។ ការប្រើប្រាស់ព័ត៌មានរបស់អ្នក (ផ្ទាល់ខ្លួន ឬផ្សេងពីនេះ) ដោយអ្នកទិញ និងអ្នកលក់ទាំងនេះ មិនស្ថិតនៅក្រោមការគ្រប់គ្រងរបស់ Khonnect.com ហើយយើងមិនអាចទទួលខុសត្រូវចំពោះការប្រព្រឹត្តរបស់បុគ្គល និងក្រុមហ៊ុនទាំងនេះទេ។

គេហទំព័រនេះអាចផ្តល់តំណភ្ជាប់ទៅគេហទំព័រផ្សេងៗដែលមិនមែនជាកម្មសិទ្ធិ ឬការគ្រប់គ្រងរបស់ Khonnect.com ឬសាខារបស់ខ្លួនទេ ។ ព័ត៌មាន និងទិន្នន័យផ្ទាល់ខ្លួនពីអ្នកប្រើប្រាស់អាចត្រូវបានប្រមូលដោយគេហទំព័រផ្សេងទាំងនេះ នៅពេលអ្នកប្រើប្រាស់ចូលទស្សនាគេហទំព័រទាំងនេះ និងប្រើប្រាស់សេវាកម្មដែលបានផ្តល់ឲ្យដោយគេហទំព័រទាំងនេះ។ កន្លែង និងនៅពេលអ្នកប្រើប្រាស់សម្រេចចិត្តចុចលើការផ្សព្វផ្សាយផ្សេងៗ ឬការភ្ជាប់ទំព័រអ៊ីនធើណេតពីទំព័រមួយទៅទំព័រមួយទៀតនៅក្នុងគេហទំព័រនេះ ដែលអាចឲ្យអ្នកប្រើប្រាស់ចូលទៅគេហទំព័រផ្សេងទៀត ការការពារព័ត៌មានផ្ទាល់ខ្លួន និងទិន្នន័យរបស់អ្នកប្រើប្រាស់ ដែលសន្មតថាជាភាពឯកជន និងការសម្ងាត់នោះអាចនឹងត្រូវបានបញ្ចេញនៅក្នុងគេហទំព័រដទៃទៀត។

សេចក្តីថ្លែងការណ៍ជាឯកជននេះ គឺអាចត្រូវប្រើប្រាស់បាននៅក្នុងគេហទំព័រនេះតែប៉ុណ្ណោះ។ អ្នកប្រើប្រាស់ត្រូវបានក្រើនរំលឹកថា សេចក្តីថ្លែងការណ៍ជាឯកជននេះមិនត្រូវបានធានាថាបានការពារព័ត៌មានផ្ទាល់ខ្លួន និងទិន្នន័យរបស់អ្នកប្រើប្រាស់ដែលអាចបញ្ចេញនៅក្នុងគេហទំព័រផ្សេងៗជាជាងនៅក្នុងគេហទំព័រនេះ ហើយ Khonnect.com មិនទទួលខុសត្រូវសម្រាប់ការអនុវត្តភាពជាឯកជនរបស់គេហទំព័រផ្សេងទៀតឡើយ។ អ្នកប្រើប្រាស់ត្រូវបានណែនាំឲ្យយោងទៅលើគោលការណ៍នៃភាពជាឯកជនរបស់គេហទំព័រផ្សេងទាំងនេះ មុនពេលប្រើប្រាស់គេហទំព័រទាំងនោះ។

សុវត្ថិភាពនៃព័ត៌មានផ្ទាល់ខ្លួន និងទិន្នន័យរបស់អ្នកប្រើប្រាស់គឺមានសារៈសំខាន់ណាស់សម្រាប់ Khonnect.com Khonnect.com តែងតែខិតខំធានាថាព័ត៌មានផ្ទាល់ខ្លួន​និងទិន្នន័យរបស់អ្នកប្រើប្រាស់ត្រូវបានការពារប្រឆាំងនឹងការចូលមើលខុសច្បាប់។ Khonnect.com បានអនុវត្តវិធានការណ៍អេឡិច ត្រូនិចសមស្រប និងវិធានការណ៍ការគ្រប់គ្រង ដើម្បីការពារ និងធានានូវព័ត៌មានផ្ទាល់ខ្លួន និងទិន្នន័យរបស់អ្នកប្រើប្រាស់។

អ្នកប្រើប្រាស់ត្រូវបានក្រើនរំលឹកថា គ្មានវិធីសាស្ត្របញ្ជូនក្នុងអ៊ីនធើណេត ឬវិធីសាស្ត្ររក្សាទុកទិន្នន័យអេឡិចត្រូនិកត្រូវបានធានាថាមានសុវត្ថិភាព ១០០%ទេ។ ដូច្នេះ ក្នុងអំឡុងពេលដែល Khonnect.com ខិតខំការពារព័ត៌មានផ្ទាល់ខ្លួន ​និងទិន្នន័យរបស់អ្នកប្រើប្រាស់ប្រឆាំងនឹងការចូលមើលខុសច្បាប់ Khonnect.com មិនធានាសុវត្ថិភាពរបស់ខ្លួនដាច់ខាតនោះទេ។

នៅពេល Khonnect.com បានទទួលព័ត៌មានផ្ទាល់ខ្លួន និង/ឬទិន្នន័យរបស់អ្នកប្រើប្រាស់ ព័ត៌មានផ្ទាល់ខ្លួន និង/ឬទិន្នន័យនេះនឹងរក្សាទុកដោយសុវត្ថិភាពនៅក្នុងប្រព័ន្ធរបស់ Khonnect.com ក្នុងគោលបំណងគ្រប់គ្រង ធានាសុវត្ថិភាព និងរក្សាសេវាកម្ម ដែលផ្តល់ដោយ Khonnect.com